KALPANA
Photo
Posts
लहरा
काँडै काँडाको फेद भए पनि लहरा फनफनी त्यसमै बेरिएका छन् कारण लहरा नजिककै रुखमा बेरिन्छ सर्बाङ्ग सिख्रो र नग्न तनतरू भीरको डिलमा ठिङ्ग उभिएको छ बीभत्स रूप कायाकल्प मृत्युञ्जयी अाफ्नै बोझले लचक्क लच्किएको छ भीरतिर त्यसमाथि मनपरी बेरिएका कबै, भैंसीकाँडे र डुम्रीका कारण ढल्न ठिक्क छ र त ऊ बूढो धृतराष्ट्र जस्तै नेत्रहीन बनेको छ हजारौं द्रौपदीको चीरहरण भएको देख्दैन ऊ ।
उज्यालो
अाधा रातमा ब्युँझेर उसले घडीको सुईलाई नियाल्यो रातको १२ बजेको थियो तर उसको घण्टे सुई सुतिरहेको थियो लन्ठ्याङ् लन्ठ्याङ् हल्लिरहने पेन्डुलम भने जागा नै थियो उसलाई लाग्याे- घडीको सुई रोकिएका कारण उज्यालो भएको थिएन ऊ निराश भयो । उसले उज्यालो हुनु र नहुनुका बीच केही फरक देखेन उसलाई लाग्यो, मान्छे सुतेका कारण उज्यालो निदाएको थियो । २०७४/०४/०४
